أم طاهر
المساهمات : 138 تاريخ التسجيل : 28/07/2008
| موضوع: أسعد خدامه!!! اللهم لاحسد.. الأربعاء أغسطس 06, 2008 5:43 am | |
|
مسكينة ربة البيت !! تصدقون مظلومة كل شغل البيت عليها وقالوا إيش ؟؟؟ قالوا : عندها خدامة ،، وكأن الخدامة هي اللي قايمة بكل شيء ،،،، الله يعين ربة البيت على اللي ما يعرف وش تعاني ابيكم تشوفوا معاناة هذه المسكينة ما تدري كيف تقسم نفسها ؟؟ هي لشغل البيت ؟؟ أو لأطفال ؟؟ أو للزوج أو لنفسها ؟؟ الله يعينهــــــــــــــــــا !!!!!!!!!!!! صراحة كنت أقول مجانين الحريم اللي يقولوا ما نصبر عن الخدامة كنت اقول : معقولة ان ربة البيت ما هي قادرة على تنظيم وقتها ؟؟ يعني ما فيه داعي انها تجيب وحدة من اقصى الدنيا وتسلم لها كل شي في البيت ، لأن بعض ربات البيوت ، تنهلك من شغل البيت الله يعينها وبس شوفوا هذي المسكينة كيف مريحة خدامتها وهي اللي تسوي كل شيء تقول للخدامة : >> >> >> كل يوم ياسستر ابيك تصحي الصباح ، واول ما تسوي تغلي مويه و تسوي حليب ، وبعدين تاخذي كم حبة بيض وتسلقيها وتفكي الجبنة والمربى والشكلاتة وزبدة الفول وكمان تجهزي النواشف من جبنة بيضا وحلاوى طحينية وزيتون و تقطعي مرتدلا وتقطعي معاها فلفل رومي وذرة وكرفس وبعض الخضار وتخلطيها ،،،، وتجهزيها كلها على الطربيزة ولاتنسي المخللات وتقطعي كم حبة طماطم وخيار و تسوي شكشوكة وسخني عيش تست وصامولي وعبي الزبدية تشبس و حطي قارورة العسل وزيت الزيتون وحطي كل هالاشياء فوق الطربيزة عشان لما يصحو البزورة يحصلوا كل شي جاهز ولا تنسي تجهزي ساندويشاتهم وتلفيها لهم عشان المدرسة ،،، وكمان لاتنسي تعملي تشيك على فرش اسنانهم ومعاجينهم ، وبعدين خلاص اتركي كل شي لي انا اكمل شغلة اكلهم ، وانت روحي رتبي اسرتهم وفرشهم ونفضي ملاياتهم ورجعي كل شي زي ما كان ، وبعد كذا خلاص سيبي الباقي عليه انا اكمل وانت وروحي جهزي المطهرات وابغيك تخلي الحمامات تلمع وبعدين سيبي الباقي ليه انا اكمل الشغلة ، وانت خذي منشفة وموية القزاز وخذيها شباك شباك وامسحي ولمعي الابواب ولما تخلصي خلي الباقي لي ، وانت روحي نزلي كل الحاجات اللي في دواليب المطبخ وغيري الجرايد اللي تحت الاواني وامسحي الادراج من برى وجوى وغسلي الاواني ورجعي كل شي محله، وبعدين روحي اجمعي كل الملابس اللي تحتاج غسيل واجعيها كلها بغرفة الغسيل و حطي كل نوع من الغسيل لوحده وابدإي بغسله ولما تنشفي الغسيل انشريه على الحبل ولما تخلصي من نشر كل الغسيل خلاص اتركي الغسيل وخذي المكنسة وكنسي البيت كله ولاتنسي تلمعي السراميك كله والطرابيزات ونفضي الكنبات و الستاير كلها وبعد كذا الله يخليك ، ما ابغي اكون قاسية عليك ، حرام،، والله لازم ارحمك انت انسانة زيك زينا ، عشان كذا الله يخليك لما تخلصي من شغل البيت ارتاحي لك شوية في المطبخ وبدل ما تجلسي كذا طفشانه ابيك تطلعي من الفريزر لحمه ، او اقول خليها دجاج احسن امس كانت لحمة ، وبالمرة قطعي كم حبه بصل طماطم على بال مايفك الدجاج من الثلج وبعدين قطعيه وخلاص اتركي لي الباقي روحي تسلي واكوي لك كم قطعه ولا تنسي وقت تركيب القدر على البوتقاز لما يقربوا العيال وابوهم يرجعوا ، ما ابيهم يحسوا اني تعبانة مرة بعد الشغل ، المهم اسمعي اقولك يا سستر الله يخليك لي مجرد مساعدة ترد يدي بالبيت لا تنسي قبل موعد رجوعهم بنص ساعة صحيني عشان ااا صحصح و ألبس ملاية الطبخ وافتح لهم الباب ، بس شوفي انتبهي لا تسوين زي امس بحكاية الملح عشان تعرفي الرجال الضغط عنده مرتفع مسكين ومو ناقص ملح الله يخليه لي ، خلاص طيب يا سستر ؟؟؟؟
وسلامتكمـ
| |
|
دموع الايام
المساهمات : 142 تاريخ التسجيل : 27/07/2008 العمر : 37
| موضوع: رد: أسعد خدامه!!! اللهم لاحسد.. الجمعة أغسطس 15, 2008 5:48 am | |
| تصدقين والله صدع راسي وانا اقراء حشى مو طلبات سوبر ماركت شكرا على صداع الراس | |
|
أم طاهر
المساهمات : 138 تاريخ التسجيل : 28/07/2008
| موضوع: رد: أسعد خدامه!!! اللهم لاحسد.. الجمعة أغسطس 15, 2008 11:26 am | |
| دموع الايام
تسلم لي على المرور الرائع الله يعطيك الف عافية وماننحرم من وجودك الراقي دمت متألق بيننا لاعدمنا رقي قلمك المتألق ادام الله لنا حضورك وتواصلك
| |
|
أحلام الربيع
المساهمات : 175 تاريخ التسجيل : 24/07/2008
| موضوع: رد: أسعد خدامه!!! اللهم لاحسد.. الإثنين أغسطس 18, 2008 4:57 am | |
| بسم الله الرحمن الرحيم ماشاء الله شكله صاحبة البيت رحومه خخخخخخ كل ذا وتقول خلي الباقي علي .. ليش هيه خلت شيء ماطلبته !! هذي حالنا مع الخدمات .. الله يعين الجميع ... لكي جزيل الشكر اختي ام طاهر .. تحياتي
| |
|
أم طاهر
المساهمات : 138 تاريخ التسجيل : 28/07/2008
| موضوع: رد: أسعد خدامه!!! اللهم لاحسد.. الأربعاء أغسطس 20, 2008 9:44 am | |
| تسلمي خيتوأحلام على المرور
و الله يخليك و أشوفك على صفحاتي ومرورك مميز بكل معنى الكلمة
تحياتي
| |
|